Xheb Bush ka shpallur, siç pritej, kandidaturën për president të SHBA brenda Partisë Republikane. Ish-guvernatori i Floridas dhe pinjolli i një familjeje e cila ka nxjerrë deri tani dy presidentë, Xheb Bush është një ndër 11 kandidatët republikanë për Shtëpinë e Bardhë, në zgjedhjet e vitit 2016.
Por nga sytë e mediave nuk ka shpëtuar pa u vënë re një hollësi e rëndësishme: Xheb ka vënë në logon e fushatës së tij vetëm emrin, duke anashkaluar me kujdes mbiemrin “Bush”. Mos ndoshta Xheb mendon se ky mbiemër do t’i prishte punë në garën brenda partisë?!
