Granit Xhaka ka zbuluar se Arsene Wenger e bindi atë që të transferohej tek Arsenali, duke i premtuar “parajsën” në Emirates Stadium. Mesfushori shqiptar u transferua te ekipi londinez nga Borussia Monchengladbahu dhe në transferimin e tij rol të madh luajti Wenger.
“Ishte çmenduri që të flisja me Wenger-in. Ai për mua është një legjendë, gjithmonë ka qenë i tillë për mua”, ka thënë Xhaka për Sport Bild. “Pastaj krejt papritur ai më telefonoi dhe më tha se dëshiron të më transferoj’.
“Ai më tha eja në Arsenal nëse dëshiron të kënaqesh me futbollin dhe më tha se Arsenali është si një parajsë”, ka thënë veç të tjerash Xhaka. (b.an)
