Arsenali ka shënuar fitore të rëndësishme në udhëtim te Hull City, dhe një nga më të miret ishte Alexis Sanchez, i cili ndihmoi skuadrën duke shënuar dy gola, kurse në listën e golashënuesve u regjistrua edhe Granit Xhaka, që shënoi golin e parë në fanellën e Arsenalit.
Topçinjtë e fituan takimin me rezultat prej 1-4, dhe golin e parë e shënuan në minutën e 17 përmes kilianit Sanchez.
Në minutën e 40 Hull City mbetet me një lojtar më pak në fushë pasi Livermore ndëshkohet me karton të kuq. Një minutë më vonë Sanchez dështon të dyfishojë epërsinë nga pika e bardhë.
Në pjesën e dytë Walcott shënon golin e dytë për Arsenalin në minutën e 55.
Vendasit e ngushtojnë epërsinë në minutën e 79 përmes Snodgrass, i cili shënoi nga pika e bardhë. Por, vetëm katër minuta më vonë Sanchez e shënoi golin e dytë personal dhe të tretin për ekipin e tij. Kurse për golin e fundit u përkujdes mesfushori shqiptar Granit Xhaka, i cili shënoi në minutën e 90+2., citohet Koha. (b.an)
