Ministri i Brendshëm Fatmir Xhafaj ka shkuar në ambientet e Drejtorisë së Policisë së Shtetit pas operacionit të suksesshëm për kapjen e 613 kg kokainë.
Xhafaj u takua me Drejtorin e Përgjithshëm të Policisë së Shtetit Ardi Veliu dhe drejtuesit që udhëhoqën operacionin anti-drogë në Portin e Durrësit.
Ministri përgëzoi Policinë e Shtetit dhe inkurajoi për një hetim gjithëpërfshirës, si dhe vlerësoi faktin e ruajtjes së konfidencialitetit të operacionit nga Policia dhe Hetimi Doganor.
Gjatë bashkëbisedimit me drejtuesit e policisë, Xhafaj kërkoi bashkëpunim më të ngushtë me Prokurorinë për hetimin e këtij trafiku ndërkombëtar.
Në operacionin “Last Snow” të mbrëmjes së 27 Shkurtit, në Portin e Durrësit u sekuestrua sasia më e madhe e kokainës e kapur ndonjëherë në vendin tonë, 613 kg. Droga ishte fshehur në një konteiner të mbushur me banane, që ishte nga nisur nga Kolumbia dhe kishte kaluar tranzit në Maltë, Itali dhe destinacion përfundimtar Shqipërinë.
a.ç
