Ministri i Punëve të Brendshme, Fatmir Xhafaj ka zhvilluar një takim me ministrit britanikë të Sigurisë, Ben Wallace, gjatë vizitës së tij në Londër. Pas takimit Xhafaj me anë të një postimi në rrjetin social Twitter, ka shkruar se takimi ka pasur një axhendë të përbashkët, në interes të për luftës kundër krimit.
Deklarata e Xhafaj
Takim shumë miqësor me Ministrin britanik për Sigurinë z.Ben Wallace për një axhendë të përbashkët pune, në interes të bashkimit të përpjekjeve për veprime të bashkërenduara në luftën kundër krimit të organizuar. Premtim për asistencë teknike dhe operacione të përbashkëta. Shumë shpejt do ta mirëpres mikun tim në Tiranë për të avancuar axhendën e përbashkët.
