Fatmir Xhafaj, kreu i komisionit për reformën në drejtësi ka patur një takim me komisioneri e BE-së për zgjerimin Johannes Hahn, teksa diskutimet janë fokusuar tek reforma. Fatmir Xhafaj i ka kërkuar Hahn për nevojën e një tryeze donatorësh për mbështjetjen teknike dhe financiare për të reformës.
Ata diskutuan edhe për procesin e vlerësimit të gjyqtarëve e prokurorëve, rolin e BE në këtë fazë të procesit, si dhe mbi nevojën e një tryeze donatorësh për mbështetjen afatgjatë buxhetore të sistemit.
Nga ana e tij, komisioneri Hahn evidentoi faktin se Brukseli është treguar i kujdesshëm që reforma në drejtësi të jetë, siç u shpreh ai, pronë e shqiptarëve.
Hahn u shpreh i vetëdijshëm se reforma është e vështirë, por u shpreh edhe besimplotë se ajo do të japë rezultate pozitive për të ardhmen europiane të vendit.
Më tej, ai vlerësoi kërkesat për asistencë financiare dhe ekspertizë teknike dhe u shpreh i gatshëm të iniciojë hapat përkatës në këtë drejtim.
