Në parlament sot u zhvilluan debate për 3.4 milionë eurot e sekuestruara në dy “Toyota” në portin e Durrësit.
Pas akuzave të Lulzim Bashës nga foltorja e Kuvendit, ministri i Punëve të Brendshme e paralajmëroi kryedemokratin të “bëjë kujdes”.
Fatmir Xhafaj tha sot se ishte i çuditur sesi pa asnjë droje publike dhe në shkelje të hapur të ligjit përfaqësuesit e opozitës janë përfshirë në një veprimtari që qartësisht përkufizohet si vepër e rëndë penale.
“Lulzim bëj kujdes kur aludon shërbime inteligjente partnere, për informacione të dhëna gjoja prej tyre, në trillet e sajuara prej teje, ose përndryshe gjej guximin të thuash emër e mbiemër!
Bëj kujdes se jo vetëm bëhesh qesharak mes tyre, por edhe se nuk dihet se në çfarë dërrase tjetër të kalbur je duke shkelur” – tha Xhafaj. /b.d
Tamam. Mire i ka then se ngeli si grate e kqija ky Luli vetem fol ne ajer.