Ministri i Brendshëm Fatmir Xhafaj e ka quajtur sajesë dixhitale dëshminë e publikuar dje nga PD.
Në një deklaratë për mediat, pas takimit me ambasadoren gjermane, Xhafaj tha se fokusi i tij është puna, ndërsa PD merret me sajesa.
I pyetur për dëshminë e Albert Veliut të dhënë nga selia blu, Xhafaj tha:
“Dua tju them se këtu jemi në vendin e task-forcës, ndërsa atje jemi në vendin e sajesave dixhitale. Detyra ime është të punoj për Policinë Speciale dhe Prokurorinë Speciale. Detyra e tyre është që të punojnë për qytetarin dixhital”.
Bashkë me ambasadoren gjermane ministri i Brendshëm vizitoi task forcën speciale të operacionit “Forca e Ligjit” dhe atë “Anti Skifter”
Ambasadorja gjermane deklaroi se lufta kundër krimit, shihet si prioritet kyç për integrimin në BE.
“Lufta kundër krimit të organizuar prioritet kyç për integrimin në BE dhe ne do vazhdojmë të ju mbështesim”, deklaroi ambasadorja e Gjermanisë
/javanews/b.d
Qe eshte sakes nuk do as mend e as kalem se ja bente mu