Ministri i Brendshëm ka komentuar përmes Twitter takimin me ambasadorin Donald Lu.
Fatmir Xhafaj shkruan se i është mirënjohës Lu-së për vendosmërinë dhe mbështetjen për reformën në Drejtësi. Ministri shkruan ndër të tjera se takimi u fokusua në fushën e zbatimit ë ligjit dhe forcimin e mëtejshëm të institucioneve ligjzbatuese.
Ja çfarë shkruan Fatmir Xhafaj:
Sot përshëndeta një mik e bashkëpunëtor të përzemërt, timin e të vendit. I urova Ambasadorit Lu një vazhdim të mbarë në detyrën e re që e pret, si dhe i shpreha një falënderim të sinqertë për mbështetjen dhe praninë e palodhur në gjithë punët e mira që kemi bërë në këto vite.
Merita e veçantë e Donald Lu-së në promovimin e disa prej reformave më të rëndësishme të vendit mbetet e padiskutueshme. Mirënjohja ime i shkon veçanërisht vendosmërisë së tij për t’i ndenjur në krah Reformës në Drejtësi, si dhe Ministrisë së Brendshme e Policisë së Shtetit.
Po sot, i urova mirëseardhjen zvAmbasadores se re Leyla Moses-Ones, e cila shoqëronte Ambasadorin Lu. Një bisedë shumë e frytshme ku diskutuam çështje me interes te dyanshëm në fushën e zbatimit të ligjit dhe forcimin e mëtejshëm te bashkëpunimit mes agjensive ligjzbatuese tona.
/b.d
