Ministri i Brendshëm, Fatmir Xhafaj ka bërë një bilanc të punës së policisë gjatë sezonit turistik. Gjatë një takimi në Vlorë, Xhafaj vlerësoi edhe bashkëpunimin me drejtuesit vendorë të zonave turistike, ndërsa theksoi se u angazhuan 1 mijë efektivë policie
Ministri i Brendshëm deklaroi se për herë të parë nuk u shënua asnjë incident nga mjetet ujore
“Gjatë këtij sezoni angazhuam 1000 forca policore në shërbim të sezonit. Ky ishte sezoni turistik pa asnjë incident të rëndë. Ka pasur një ulje të ndjeshme të vjedhjeve në plazhe. Menaxhuam më mirë trafikun. Futëm komunikimin intensive përmes konferencave javore të shtypit. Ne do të bëjmë të mundur një sistem të ri të trafikut për ta menaxhuar më mirë atë. Premtuam forcimin e kontrollit në mjetet ujore, u bë e mundur që në bashkëpunim me bashkitë të mund të vendosnim rregulla për qarkullimin e mjeteve ujore. Fillimi ishte i vështirë. Kemi pasur edhe keqkuptime por i rëndësishëm është fakti që për here të nuk kemi incidente nga mjetet ujore. Kemi 26% të hyrjeve më shumë se nga viti paraardhës në doganë.”, tha Xhafaj
Xhafaj tha se ky sezon u dha fund edhe zhurmave në plazhe
“Një premtim tjetër kishte të bënte me disiplinimin e muzikës. Ka qenë shumë kaotike, dhe muzika e lartë sillte shqetësim për turistët dhe banorët e zonave të plazhit. Kemi rreth 90% më pak ankesa nga qytetarët për zhurmat në orët e vona të natës”, deklaroi ministri
“Kishim bërë 5 premtime dhe ia dolëm të sigurojmë më shumë rend, siguri dhe qetësi për turistët”, tha Xhafaj
Javanews/a.ç
