Ministrja e Mbrojtjes Olta Xhaçka, përmes një postimi në “Facebook” shkruan se Forcat e Armatosura janë sot institucioni më i besuar për shqiptarët.
Xhaçka shprehet se Baza e Kuçovës është sot e para bazë ajrore e NATO në Ballkanin Perëndimor, në të cilën do të fillojnë së shpejti punimet.
Postimi i ministres së Mbrojtjes Olta Xhaçka:
3 vjet janë shumë pak në historinë e Forcave te Armatosura Shqiptare🇦🇱. Por jam e lumtur, që në këto 3 vjet në krye të Ministrisë së Mbrojtjes, ia kemi dalë të bëjmë disa punë të mira, që e kanë bërë FA institucionin më të besuar për shqiptarët. E mbi të gjitha, ndihem mirë që djemtë e vajzat, burrat e gratë në uniformë kanë sot më shumë arsye ta veshin uniformën me krenari e kokën lart. Sepse, në 3 vjet ia kemi dalë me shumë punë e shumë mund të bëjmë shumëçka për t’i bërë FA një forcë më moderne, më profesioniste, më të arsimuar, e mbi të gjitha, më meritokratike.
✅Ia kemi dalë t’u garantojmë ushtarakëve një trajtim me dinjitoz, duke rritur pagën e tyre dhe në vitin 2018; duke rikthyer pagesën e vështirësisë dhe trajtimin ushqimor që iu mohua me të padrejtë në 2013.
✅Ia kemi dalë të akreditojmë Akademinë e FA, si të vetmin institucion të arsimit të lartë në fushën e mbrojtjes dhe sigurisë, duke hedhur kështu një tjetër hap të rëndësishëm drejt modernizimit të FA.
✅Kemi bërë shumë edhe për modernizimin e infrastrukturës, pajisjeve e kapaciteteve, duke filluar nga 🟢sistemet e radarëve; 🟢helikopterët Blackhaëk, pajisjen me mjetet e duhura të Batalionit të dytë të Këmbësorisë; 🟢çertifikimin nga NATO të Batalionit Kombando dhe B2k e deri tek 🟢 njësia për luftën kibernetike që i është shtuar sot FA.
✅ Shqipëria përmes Ministrisë së Mbrojtjes ka drejtuar disa nisma të rëndësishme si SHBA – Karta e Adriatikut (A5) apo SEDM.
Janë zhvillime që vlerësohen edhe nga partnerë e aleatë, të cilët, sot e shohin Shqipërinë 🇦🇱 jo thjesht si një shtyllë stabiliteti në rajon, por edhe si një eksportues sigurie, kudo ku Aleanca përballet me sfida. Treguesi më i qartë e i dukshëm i këtij besimi është Baza e Kuçovës, e para bazë ajrore e NATO në Ballkanin Perëndimor, në të cilën do të fillojnë së shpejti punimet.
