Shefi ekzekutiv i gjigantëve bavarez ka fjalë të mëdha për ish mesfushorin të cilin e dëshiron prapë në skuadër derisa i vlerëson ‘autoritetin natyral. Ai është një person i jashtëzakonshëm”
CEO i Bayern Munich, Karl-Heinz Rummenigge ka dhënë indikacione që ish mesfushori Xabi Alonso një ditë do të jetë trajner i bavarezëve.
Alonso që kaloi nga Allianz Arena nga Real Madridi më 2014, pasi kishte fituar Ligën e Kampionëve me skuadrën nga Bernabeu, më parë ka luajtur me Liverpoolin, derisa suksesin në Europë ai e kishte shijuar edhe me Real Sociadadin gjatë sezonës 2004-05.
37 vjeçari për momentin është duke u trajnuar për të qenë trajner me Real Madridin, ku është trajner i grupmoshave 14 vjeçare, por ai është shumë i dashur për stafin e Bayernit pasi që për tre sezone arriti ti fitoi tre tituj të Bundesligës.“Xabi është gjeneral në fushë”, ka thënë Rummenigge.“Shpresojë që një ditë të rikthehet në Bayern Munich”, ka thënë Rummenigge në një intervistë me revistën Kicker.
“Xabi rrezaton autoritet natyral, ai ka pasur trajner fantastik dhe flet disa gjuhë. Ai është një person i jashtëzakonshëm. Ai ishte gjeneral në fushë dhe të gjithë lojtarët e ndiqnin. Topi që jepte ai ishte magjik. Ai mund ta ngadalësonte lojën apo ta shpejtonte. Xabi mendonte shpejt dhe luante shpejt”, përgatiti ”GazetaExpress”. (b.an)
