Wolfsburgu ka njoftuar sot se do të ftojë rreth 1 200 refugjatë që të ndjekin ndeshjen e javës së ardhshme, të hapjes, së fazës së grupeve të “Champions League” kundër CSKA-së së Moskës.
Autoritetet e Wolfsburgut bënë me dije se duan t’u ofrojnë refugjatëve “një mbrëmje të këndshme me ndeshjen ndërkombëtare të futbollit”, duke i pajisur ato me bileta për ndeshjen e së martës që do të zhvillohet në Gjermani.
Klubi i Bundesligës ka njoftur gjithashtu se do të dhurojë një euro (1,1 dollar) për çdo biletë të shitur për bamirësi, në ndihmë të emigrantëve dhe refugjatëve, masë kjo për të cilën u ra dakord nga 80 klube futbolli që luajnë në “Champions League “dhe “Europa League”, pas aktit që bëri klubi portugez, Porto.
