Në kuadër të masave të parashikuara për garantimin e zgjedhjeve, Ministria e Mirëqënies Sociale dhe Rinisë ka kërkuar nga punonjësit e administratës dhe gjithë institucioneve në varësi, respektimin e ligjit dhe mospërfshirjen në akte që cënojnë të drejtën e qytetarëve për zgjedhje të lira dhe të ndershme.
Gjithashtu, MMSR ka ftuar të gjithë qytetarët të denoncojnë çdo rast të përfshirjes së punonjësve të kësaj ministrie dhe institucioneve të saj të varësisë në shitblerje të votave, intimidim të votuesve për të votuar për një subjekt të caktuar politik apo shkelje të tjera të lidhura me zgjedhjet.
MMSR ka vënë në dispozicion të qytetarëve numrin e telefonit +355697868366 dhe adresën e e-mail info@sociale.gov.al ku mund të dërgohet informacion dhe të denoncohen shkeljet duke dërguar të dhëna, foto dhe video (WhatsApp, Viber).
