WhatsApp po rritet dita-ditës dhe po e përmirëson strategjinë e tij, dhe disa sisteme operative nuk do të jenë më pjesë e këtij udhëtimi.
Deri në fund të vitit, WhatsApp nuk do të mbështesë më BlackBerry-n (duke përfshirë BB10 OS), Nokia S40, Nokia Symbian S60, Android 2.1 dhe 2.2 dhe Windows Phone 7.1.
Versionet më të reja të Windows Phone dhe Windows 10 Mobile do të vazhdojnë të kënaqen me mbështetjen e WhatsApp, edhe pse Android dhe iOS e udhëheqin tregun e celularëve, transmeton Gazeta Express.
“Këta celularë kanë qenë pjesë e rëndësishme e historisë sonë, por ata nuk mund t’i ofrojnë më mundësitë që ne kemi nevojë për të zgjeruar veçoritë e aplikacionit në të ardhmen”, shpjegon WhatsApp në njoftimin zyrtar.
