Trajneri i Arsenalit, Arsene Wenger, thotë se më shumë është i brengosur për rezultatet e dobëta të skuadrës së tij se për të ardhmen e vet si trajner.Pas turpërimit 3 me 0 nga Crystal Palace, Wenger është pyetur sërish nga gazetarët për të ardhmen e tij, pro francezi thotë se “sot nuk ishte në disponim për këtë temë”.
“Përballem përherë me këtë pyetje në konferenca, por tani nuk jam në disponim të flas për këtë. Për momentin i kushtoj më shumë vëmendje faktit që dolëm me rezultat zhgënjyes”, ka thënë ai, raporton BBC, transmeton Koha.net.
Arsenali mbetet i gjashti me 54 pikë të tubuara, tri më pak se Manchester Unitedi që është i pesti e shtatë më pak se Manchester City që mbyll top-katërshen. (b.an)
