Trajneri i Arsenalit, Arsene Wenger ka pohuar se fokusi duhet të jetë në ekipe e jo te menaxherët në përballjen e së shtunës në Premier Ligë kundër Manchester United, transmeton koha.net.
Francezi ka marrëdhënie të tensionuara me homologun e tij pas zënkave të shumta gjatë kohës kur Mourinho ishte në krye të Chelsea, transmeton koha.net.
Dy trajnerët për pak sa nuk u grushtuan gjatë sezonit 2014-2015, por Wenger nuk ka për qëllim për të ushqyer ‘zjarrin’ me Mourinhon, që tani është në krye të Djajve të Kuq.
“Ai lufton për ekipin e tij, unë për timin. Nuk luhet kundër menaxherit, por luhet kundër një ekip, kjo është gjëja më e rëndësishme” ka shtuar ai.
Arsenal aktualisht mban vendin e katërt në tabelën e Premier Ligës, gjashtë pikë më shumë se United pas 11 lojërave të luajtura. (b.an)
