Trajneri i Arsenalit, Arsene Wenger, i ka dalë në mbrojtje mesfushorit shqiptar Granit Xhaka, duke thënë se atij iu bë padrejtësi kur gjyqtari akordoi penallti ndaj Arsenalit.
Xhaka kishte shtyrë një kundërshtar në pjesën e parë brenda zonës së rreptësisë duke ndihmuar Bournemouthin për të dyfishuar epërsinë në 2 me 0 ndaj “Topçinjve”, në barazimin 3 me 3. Bournemouthi shënoi edhe golin e tretë me ndërhyrje jo të rregullt, sipas Wengerit.
“Nuk ishte penalti, ose nëse ishte atëherë ishte ndërhyrje jo e rregullt edhe në Bellerinin. Shtyrja nga Xhaka ishte më e dobët se ajo që kundërshtari bëri në golin e tretë”, ka deklaruar pas takimit Wenger.
Arsenali ishte duke humbur me rezultat 3 me 0, por arriti që në fund të nxirrte një pikë për të mbetur akoma në pozitën e katërt, përgatiti Koha. (b.an)
