Stanislas Wawrinka ka triumfuar në US Open pasi mposhti 3:1 në finale tenistin serb, Novak Gjokoviç.
Tenisti zviceran Stanislas Wawrinka, ka fituar grand slemin e US Open për meshkuj, duke mundur 3:1 në finale serbin Novak Gjokoviç (6-7, 6-4, 7-5, 6-3 rezultatet e seteve).
Zvicerani humbi setin e parë, po përmbysi gjithçka duke fituar më pas tre sete të njëpasnjëshme për të triumfuar në fund.
Wawrinka bëhet kështu tenisti i tretë në histori që fiton tri grand sleme që në tri finale e para të luajtura në to.
Ndërsa për Gjokoviç kjo është finalja e 5’të e humbur në US Open, e nënta në një grand slem për të.
Zvicerani konfirmohet si “macja e zezë” në finalet e grand slemit për Gjokoviç, duke e mundur në 3 nga 4 finalet e luajtura, citohet Koha. (b.an)
