Gazeta periferike e Uashingtonit, “Washington Times”, e cila përdoret shpesh nga politikanët e Tiranës për të sulmuar Ramën, ka publikuar një tjetër shkrim të Luke Coffey.
Autori shkruan se zgjedhjet në Shqipëri janë të rrezikuara nga krimi dhe droga.
“Së pari, zgjedhjet e ardhshme duhet të jenë transparente, të lira dhe të hapura. Partia Demokratike në opozitë e ka humbur besimin në procesin zgjedhor dhe qeveria në pushtet nuk ka bërë asgjë për të lehtësuar frikën e mashtrimit. Edhe Bashkimi Europian ka shprehur shqetësime në lidhje me potencialin për parregullsi zgjedhore.
Së dyti, ka korrupsion të përhapur kudo në Shqipëri. Në zemër të këtij korrupsioni është tregtia e drogës në rajon. Shqipëria duket se është në rrugë për t’u bërë epiqendra europiane e tregtisë së paligjshme të drogës.
Zyrtarë të lartë të Partisë Socialiste në pushtet kanë qenë të lidhur me organizata të mëdha të trafikut të drogës dhe Kryeministri Edi Rama ka qenë i akuzuar në mënyrë të përsëritur për dështim në lidhje me goditjen e operacioneve të tyre,” shkruan Coffey.
“Stabiliteti dhe siguria e siguruar në rajon që nga fundi i viteve 1990 mund të jetë në prag të një shpërbërjeje të madhe, si demokracia dhe qeverisja e mirë janë duke u testuar. Vetëm shikoni se çfarë po ndodh në Maqedoni. Ndikimi i keq nga jashtë në vend ka çuar në një paralizë politike që është ka lëkundur themelet demokratike. Kjo duhet të jetë një thirrje zgjimi për politikëbërësit SHBA-së. Ndërkohë, një stuhi është duke shpërthyer në Shqipëri, ku zgjedhjet nacionale janë planifikuar për në qershor. Si një anëtare e NATO-s, rreziqet janë edhe më të larta në Shqipëri dhe kërcënimi për destabilizimin e rajonit është edhe më i madh. Nëse gjërat shkojnë keq, Rusia do të jetë aty për të marr çfarë ngeli. Janë tre faktorë për tu pare”, thuhet më tej në shkrim.
Dhe natyrisht, në shkrim përmendet edhe “gogoli” Soros.
“Përzierja e zotit Soros në Shqipëri, përmes Departamentit të Shtetit nuk është asgjë e re. Është e ditur tashmë nga emailet e hakuera të John Podesta-s, kur Hillary Clinton kryesonte Departamentin e Shtetit, që Z. Soros kishte komunikuar drejtpërdrejt me Clinton dhe stafin e saj. Rex Ë. Tillerson duhet t’i fund kësaj praktike menjëherë. Në këtë pikë, është e vështirë për të parë se sa ndikim Sh.B.A mund të ushtrojë në Shqipëri. Z. Rama kohët e fundit e ka përshkruar presidentin Trump si “turpi i qytetërimit tonë.” Nuk është një bazë e mirë për një marrëdhënie të shëndetshme SH.B.A-Shqiptari!
Por të paktën, ne mund t’i ndalim duke i’ua hequr mundësinë atyre që nuk i kanë interesat e Amerikës në zemër. Politikëbërësit amerikanë u treguan të prerë për dramën e vazhdueshme politike në Maqedoni. Ne nuk mund të përballojmë një përsëritje të të njëjtave gabime në Shqipëri. Uashingtoni duhet t’i kushtojë shumë më tepër vëmendje se çfarë po ndodh në Ballkan. Përndryshem investimet tona masive atje pas Luftës së Ftohtë mund të konsumohen”.
Shkrimi vjen në kohën që PD i ka sytë nga LSI dhe Ilir Meta. Thuhet se sot ministrat e LSI-së do të lënë qeverinë, ndërkohë që në çadrën e PD-së janë bërë gati për festë. Megjithatë, orët në vijim do të sqarojnë se çfarë do të ndodhë realisht. /tema/b.d
