Kthimi në Kuvend, votimi i Vettingu, pjesmarrja në zgjedhje dhe mos pengimi i rrugës së Shqipërisë drejtë BE-së ishin mesazhet e qarta që ministri Gabriel i dha dje Bashës, i cili pas këtyre mesazheve mbeti pa fjalë duke mos pranuar t’i komentojë ato.
Për sa i përket zhvilimeve të djeshme në Tiranë dhe mesazheve të forta që lëshoi ministri i jashtëm gjerman por edhe ai holandez i cili vuri theksin të Vettingu, ka shkruar edhe prestigjozja The Washington Post.
Në një artikull të saj, prestigjozja amerikane vë theksin të mesazhet e ministrit të Jashtëm gjerman kundrejt Bashës dhe nevoja e vazhdimit të reformës në drejtësi si e çelësi i integrimit në BE.
Ministri i jashtëm i Gjermanisë të hënën i bëri thirrje opozitës së Shqipërisë që t’i japë fund bojkotit parlamentar, të mos e bllokojë zbatimin e reformës në drejtësi dhe të marrin pjesë në zgjedhjet parlamentare të qershorit.
Sigmar Gabriel, duke vizituar kryeqytetin e Shqipërisë, ka thënë se Gjermania dhe Bashkimi Evropian nuk mund të kuptojë kërkesën e opozitës për një qeveri teknike vetëm disa javë para qershorit 18 , shkruan Washingtonpost, transmeton Lexo.al.
Me tej gazeta amerikane vazhdon “Opozita e drejtuar nga Partia Demokratike thotë se do të bojkotojë zgjedhjet parlamentare nëse nuk ka qeveri teknike. Ajo thotë se qeveria do të manipulojë votat me paratë e drogës. Që nga mesi i shkurtit, mbështetësit e saj kanë bllokuar bulevardin kryesor në Tiranë, duke ngritur një çadër para zyrës së kryeministrit.
Gabriel tha se qevria teknike e kërkuar nga PD ishte “krejtësisht absurde” dhe që pengon rrugën e Shqipërisë drejt BE-së dhe se zgjidhjet vijnë nga parlamenti.
“Le të shkojnë në parlament ku ata janë deputetë (dhe të bëjë atë)”, tha Gabriel në një konferencë të përbashkët shtypi me homologun e tij shqiptar Ditmir Bushati. “Qeveria federale beson se një bojkot parlamentar nuk është një mënyrë e pranueshme për të shprehur vullnetin (e popullit).”
Bojkoti që opozita i ka bërë parlamentit po bllokon nisjen e reformës gjyqësore, e cila konsiderohet si çelësi për fillimin e negociatave për anëtarësim në BE me Brukselin.
Korrupsioni në gjyqësor në Shqipëri ka qenë një pengesë kryesore për zhvillimin e post-komuniste të Shqipërisë.
Reformat gjyqësore u votua unanimisht vitit të kaluar, pasi u përgatit me ndihmën e ekspertëve të BE-së dhe SHBA-së, por që tani është e bllokuar nga bojkoti i opozitës. Parlamenti ka nevojë për të krijuar organe të verifikimit që do të vlerësojë prejardhje e rreth 800 gjyqtarëve dhe prokurorëve. Opozita thotë se këto organe mund të jenë subjekt i manipulimit.
Ministri i Jashtëm holandez Bert Koenders, duke vizituar Tiranën si dhe të hënën, gjithashtu i bëri thirrje opozitës për t’i dhënë fund bojkotit.
“Vettingu, reforma gjyqësore është absolutisht i rëndësishëm në të gjithë procesin e integrimit në strukturat evropiane. Është koha për t’u zbatuar”, tha ai në një konferencë shtypi me ministrin e jashtëm Ditmir Bushati.
Më pas Kreu i Partisë Demokratike Lulzim Basha u takua me dy ministrat, ku pas takimit ai tha se u shpjegoi atyre (ministrave) se e kishin bllokuar reformën gjyqësore, pasi sipas tyre, Vettingu nuk mund të kryhet nga një kryeministër dhe se opozita është e përjashtuar.Ai këmbënguli gjithashtu se “e vetmja mënyrë është me anë të një qeverie teknike (kujdestare) … për zgjedhje të lira e të ndershme.”
Ndërsa ministri Gabriel paralajmëroi nga ana tjetër se ata që “bojkotojnë dhe pengojnë reformën në drejtësi, cënojnë reputacionin e vendit “, duke shtuar se vetëm do të “bëjë rrugën drejt BE-së gjatë dhe shqiptarët ‘jetën më të vështirë.”“Evropa është një sinonim i sundimit të ligjit, e fuqisë së ligjit dhe jo pushtet e fuqi”, tha Gabriel në një konferencë shtypi me Ramën.
Koalicioni qeverisës i krahut të majtë i ka kërkuar partive të qendrës së djathtë të Evropës, të cilat opozita e vendit është anëtare, të ndërhyjnë për të bindur opozitën që të ulen në bisedime dhe të marrin pjesë në zgjedhjet parlamentare të Shqipërisë.”
https://www.washingtonpost.com/world/europe/germany-wants-albanian-opposition-to-end-parliament-boycott/2017/04/17/659d014c-2367-11e7-928e-3624539060e8_story.html?utm_term=.a54ee814bd6d
