Presidenti serb Aleksandar Vuçiç ka thënë mbrëmë se Serbia kishte humbur rastin për të arritur kompromis me Prishtinën dhe se do të paguajë çmim në të ardhmen.
Duke folur për demarkacionin, ai thotë se e kuptoi që “serbët kurrë nuk do të pranonin diçka që ishte shansi ynë dhe se do të pendoheshim për të”.
“E kuptova porosinë e njerëzve, ishte një shans i shkëlqyeshëm për ne, por e humbëm atë”, tha Vuçiç për TV Happy.
Kreu i shtetit serb thotë se për këtë çështje do të kalojnë më keq në të ardhmen, por sipas tij askush nuk do të jetë në gjendje ta fajësojë atë.
“Unë do ta mbroj popullin serb, por mbaj mend fjalët e mia në 20 vjet: kemi pasur një shans, por nuk kemi pasur vetëdije dhe mençuri të mjaftueshme”, tha ai.
Siç ka shpjeguar ai si pjesë e kompromisit planifikohej që Serbia të merrte pjesën e Veriut të Kosovës dhe Anamoravën, megjithatë një gjë e tillë ishte pa mundësuar nga zhvillimet pas vendosjes së taksës.
“Amerikanë kanë kundërshtuar më zëshëm sesa Evropianët gjatë gjithë kohës. Është e pamundur që shqiptarët ta bëjnë një gjë të tillë pa mbështetjen e dikujt. Sigurisht, shqiptarët kanë pasur mbështetjen e shumicës së fuqive evropiane, për ta larguar Serbinë nga dialogu, në mënyrë që Serbia të mos arrijë të kërkojë as Veriun e Kosovës, Anamoravën, apo ndonjë gjë tjetër. Pra për të quar poshtë ndonjë plan nga i cili Serbia do të merrte diçka”, ka thënë Vuçiç.
Ai thotë se fillimisht nuk e kishte kuptuar një gjë të tillë, por se tashmë di gjithçka.
“E kam kuptuar më vonë. Tashmë di gjithçka. Kush ua ka kërkuar, kush iu ka thënë. Sigurisht, një fuqi e rëndësishme nga jashtë”, ka thene Vuçiç.
g.kosovari
