Kryeministri serb, Aleksander Vuçiç ka folur për refuzimin e Kroacisë që t’i japë Serbisë pëlqimin për hapjen e kapitullit 23 në bisedimet për anëtarësim në Bashkimin Evropian. Vuçiç thotë se këtë Kroacia e bën për Kosovën.
Vuçiç ka thënë se nuk do ta lus askënd për t’u lutur dhe me këtë ta poshtërojë vendin e tij, transmeton Koha.net.
“Disa presin që t’i lusim. As edhe një telefonatë nuk do ta bëj. Askënd nuk do ta kënaqim…”, ka thënë Vuçiç. Ai më tej ka thënë se Serbia nuk do ta ndryshojë ligj, i cili është i mirë, për shkak të dëshirës së Kroacisë.
Vuçiç është shprehur se kroatët janë munduar që “prapa perdes” ta rregullojnë Serbinë ashtu siç e duan ata, me një qeveri të dobët. Sipas tij, kjo do të ndodhte për të imponuar kushtet për bisedimet me Prishtinën, kushte të cilat i donin vet kroatët.
