Presidenti i Serbisë, Aleksandër Vuçiç është takuar sot me liderin e partisë më të madhe opozitare greke Demokracia e Re, Kyriakos Mitsotakis.
Vuçiç mori zotimin nga Mitsotakis se Greqia nuk do ta ndryshojë qëndrimin e saj në raport me Kosovën.
“Ne e kemi lutur të na ndihmojë në gjëra konkrete, nga vota në INTERPOL tek disa çështje tjera”, u shpreh Vuçiç para gazetarëve pas takimit me Mitsokatis në Beograd.
Vuçiq po ashtu bëri me dije se e njoftoi atë për tarifat e reja tatimore të vëna në fuqi nga Prishtina për mallrat e importuara nga Serbia, pas marrëveshjes së CEFTA-s.
“Nuk kam dashur ta vë në pozitë të papërshtatshme duke i kërkuar vlerësim, por i kam shpjeguar se nuk është në pyetje vetëm raporti ndaj Beogradit dhe Prishtinës, por raporti i Prishtinës ndaj të gjithëve. Kemi konstatuar se na lidhë një miqësi e sinqertë, por kemi biseduar edhe për mënyrat konkrete për përmirësimin e bashkëpunimit. Nuk kemi shumë shokë të mirë dhe të sinqertë si Greqia dhe jam i sigurt se raporti ynë do të jetë i mirë dhe i afërt edhe në të ardhmen”, tha presidenti serb.
a.ç
