Kryeministri i Serbisë Aleksandar Vuçiç, do të vizitojë sot Tiranën, e para e një kryeministri serb në vendin tonë. Përpara mbaërritjes ai ka dhënë një intervistë për “Kurir”, ku thekson se Serbia dëshiron marrëdhënie të mira me Shqiëpërinë, pasi është në interesin e saj.
“Marrëdhëniet e mira mes Shqipërisë dhe Serbisë garantojnë paqen në Ballkanin Perëndimor, dhe më duket Serbia përfiton më shumë nga kjo. Ndaj marrëdhëniet me Shqipërinë janë shumë të rëndësishme”, tha ai.
I pyetur për Shqipërinë e Madhe, kryeministri serb u shpreh se Beogradi nuk e pëlqen këtë ide pasi rrezikon stabilitetin e rajonit. Edhe BE thekson Vuçiç nuk është e interesuar për ndryshim kufinjsh.
“Stabiliteti në Ballkan do të thotë se Serbia nuk e pëlqen idenë e Shqipërisë së Madhe. Rendi europian nuk kërkon ndryshime kufijsh dhe Serbia është e vendosur për këtë”. tha ai
Sakaq, vizita e kryeministrit serb ka angazhuar forcat e policisë për të garantuar rendin dhe sigurinë. Kështu akset kryesore të vendit do të jenë të bllokuar për një pjesë të mirë të ditës që pas mbërritjes së Vuçiç Të angazhuar do të jenë në total edhe rreth 1500 policë e gardistë si dhe shërbimet inteligjente, drejtoria e antiterrorit në policinë e Shtetit.
