Kryeministri i Serbisë, Aleksandar Vuçiç në një konferencë të jashtëzakonshme nga kryeministria në Beograd, ka thënë se serbët nuk duhet të ndjehen të nënçmuar pas sulmit në Potoçari.
Ai ka thënë se edhe pse sulmi ndaj tij ishte i organizuar, është munduar të sillet me përgjegjësi dhe ta prezantojë sa më mirë vendin, që sipas tij, ‘serbët gjithmonë kanë ditur ta bëjnë”.
Vuçiq ka treguar se si ka ndodhur sulmi ndaj tij.
“Sapo kam dalë nga fabrika e akumulatorëve, një grup i organizuar i tifozëve ka filluar të më fyej dhe të bëjë thirrje për vrasjen time. Pas vendosjes së luleve, dhe largimit nga aty ka filluar sulmi i organizuar ndaj meje, duke gjuajtur me mjete të forta në drejtim timin dhe njerëzve të mi”, ka thënë ai, duke falënderuar, siç ka thënë “djemtë e tij që e rrezikuan jetën për të më mbrojtur”.
“Unë ju kam thënë atyre që më sulmuan, se pse e bëjnë një gjë të tillë. Unë nuk jam fajtor, unë u kam ofruar dorën e pajtimit boshnjakëve dhe këtë do të bëjë edhe në të ardhmen”, ka thënë kryeministri serb teksa është përcjellë me duartrokitje në konferencë.
Ai ka treguar se si është goditur me gurë në fytyrë.
“Me kanë goditur me gurë dhe mjete të forta dhe në atë moment me janë thyer syzet, prandaj tani s’mund të ju shoh mirë. Aty pati njerëz që nuk e kuptuan që ne serbët duam të jemi miq dhe t’ua shtrijmë dorën e pajtimit boshnjakëve. Por e mira e kësaj është që nënat e viktimave nuk e bënë këtë gjë, por ishte një grup i organizuar. Askund më parë nuk kam parë aq shumë mllef dhe aq shumë urrejtje”, ka thënë ai.
Sipas tij, edhe pas sulmit, ai është i gatshëm të vazhdojë politikën e paqes dhe miqësisë me të gjithë, përfshirë edhe boshnjakët.
“Do të jem gjithmonë gati që të bisedojë me të gjithë për tejkalimin e ngërçit. Budalla ka çdo popull, kemi edhe ne, por unë e kuptoi se këtë që ndodhi sot nuk e përkrahin shumica e boshnjakëve. I ftojë të gjithë serbët që të jenë krenar dhe ballëhapur siç isha unë sot dhe të vazhdojnë t’i ndërtojnë viktimat e Srebrenicës. Mjaft ka pasur të vdekur, mjaft ka pasur lot”, ka thënë ai
