Kryeministri serb Aleksander Vuçiç kërkon një bashkim doganor mes vendeve të Ballkanit Perëndimor. Këtë ide ai e ka biseduar me herët edhe me kryeministrin Edi Rama, dhe ia ka paraqitur kancelarit austriak Christian Kern, me të cilin zhvilloi një takim dhe një konferencë për shtyp në Beograd këtë të premte.
Vuçiç dorëzoi një dokument, ndërsa shpjegoi se kjo ide synon të afrojë edhe më shumë vendet e Ballkanit dhe të lehtësoje kalimin e mallrave. Për këtë çështje ai ka diskutuar edhe me kryeministrin boshnjak Denis Zvizdiç, ndërsa sqaroi se dialogu do të vazhdojë edhe me homologe të tjerë në rajon, raporton Vizionplus.tv.
Bashkimi doganor mes Serbisë, Shqipërisë, Kosovës, Malit te Zi, Maqedonisë dhe Bosnje Hercegovinës shihet si një mundësi për të lehtësuar lëvizjen e mjeteve dhe kamionët me mallra nuk do te presim me nga 20 orë në kufij.
Ky bashkim doganor përveç afrimit te fqinjëve, do të kontribuojë sipas Vuçiç edhe në integrimin e shpejtë të këtyre vendeve në Bashkimin Europian. Kancelari austriak ndau të njëjtin mendim teksa tha se kjo është një mënyrë e mirë për të përmirësuar situatën në rajon. Austria është avokate e Serbisë për anëtarësimin e shpejtë të vendit në BE, ndërsa është edhe partneri kryesor i saj tregtar
