Lëvizja “Vetëvendosje” po zhvillon një protestë në Tiranë, kundër vizitës së Presidentit të Serbisë, Aleksandër Vuçiç.
Ky i fundit sapo ka mbërritur në kryeqytetin shqiptar, së bashku me Presidentin e Maqedonisë së Veriut, Zoran Zaev, në kuadër të Samitit të tretë të Shengenit Ballkanik.
Disa protestues janë mbledhur para Kryeministrisë, aty ku Vuçiç po zhvillon një takim informal me kryeministrin Rama, me të mbërritur në Tiranë.
Nga ana tjetër, në rrugë ndodhen edhe forca të shumta policore, për të shmangur ndonjë incident të mundshëm.
Protestuesit thonë se një njeri që nuk njeh krimet e luftës nuk duhet të vijë në Shqipëri dhe të kërkojë lëvizje të lirë.
“Unë po mbroj dinjitetin e shqiptarëve. A mori leje Vuçiç kur erdhi në Shqipëri? A jemi shqiptarë në Shqipëri apo e kemi me qira këtë tokë”, tha një protestues. /e.s/
