Presidenti i Serbisë Aleksandar Vuçiç ka reaguar mbi simbolin e shqiponjës që dy shqiptarët që luajnë për Zvicrën, Granit Xhaka dhe Xherdan Shaqiri, bënë pas golave të shënuar mbrëmjen e kaluar ndaj Serbisë.
“Provokimi i futbollistëve shqiptarë, nuk duhet ta demotivojë Serbinë”, ka deklaruar Vuçiç duke shtuar se serbët nuk kanë ofenduar askënd, ashtu siç, sipas tij, bënë shqiptarët.
“Kombi ynë është i bashkuar, i bashkuar edhe në trishtim dhe vështirësi, por ne nuk e fyem askënd, sepse e duam vendin tonë dhe nuk e urrejmë askënd. Ne do të mbështesim lojtarët tanë, ne besojmë në fitore në ndeshjen e ardhshme. Dhe, nëse nuk fitojmë, do të vazhdojmë ta duam ekipin tonë”, ka thënë presidenti Vuçic.
Por edhe pse Vuçiç thotë se serbët nuk ofenduan askënd, në fakt prej ditësh në mediat e këtij vendi nuk kanë munguar sulmet ndaj shqiptarëve të Zvicrës.
Mediat serbe janë përpjekur t’i provokojnë lojtarët shqiptarë në të gjitha mënyrat./a.m.
