Kryeministri Edi Rama do të vizitojë sërish Beogradin.Një fakt të tillë e bëri me dije homologu i tij serb, Aleksandër Vuçiç.
Ai tha se e kishte njoftuar zv/Presidentin amerikan për takimin që do të mbajë së shpejti me kryeministrin Edi Rama si dhe një me grupe investitorësh nga Serbia, Kosova e Shqipëria, citohet Blic.
Ai shtoi se në të shkuarën shqiptarët dhe serbët kishin bërë gabime në raport me njëri-tjetrin, duke theksuar se gjëja më e rëndësishme është një e ardhme e pastër.
Deklaratat Vuçiç i bëri gjatë konferencës për shtyp me Zv/Presidentin amerikan, Joe Biden, ku një prej temave kryesore të diskutimeve mes tyre ka qenë marrëdhëniet mes shqiptarëve dhe serbëve. (b.an)
