Kryeministri i Serbisë Aleksandër Vuçiç i është rikthyer edhe një herë ndeshjes së tensionuar të 14 tetorit Serbi-Shqipëri dhe ngritjes së dronit mbi Beograd. Në një intervistë për Euroneës, Vuçiç është shprehur se ai ishte një provokim i tmerrshëm nga ana e shqiptarëve por se autoritetet serbe reaguan mirë dhe me qetësi.
Duke harruar stolat kokës, dhe thirrjet “vritini shqiptarët” kryeministri serb shprehet se asnjë prej futbollistëve shqiptrë nuk u lëndua.
Ndër të tjera Vuçiç konfirmoi edhe vizitën e tij ë 27 maj në Shqipëri.
“Ishte një provokim i tmerrshëm kundër nesh dhe ata e bënë me qëllim. Por mendoj se reaguam mjaft mirë. I mbrojtëm lojtarët shqiptarë dhe tifozët shqiptarë. Asnjë prej tyre nuk u lëndua. Dikush donte të na provokonte. Por gjithashtu treguam se ishim shumë të qetë dhe aspak agresivë……Dhe pas asaj, pas 70 vitesh, për herë të parë Edi Rama erdhi në Beograd dhe unë e prita. Gjithashtu unë e prita sërish për herë të dytë. Ndërsa pas 10-15 ditësh unë do të shkoj në Tiranë dhe do të jetë vizita e parë e një kryeministri të Serbisë atje prej 80 vitesh më duket”, tha Vuçiç.
Duke folur për kërcënimin e arrestimit të Thaçit, Vuçiç tha se ka një dialog të shpeshtë me të por ligjet janë ligje.
“Thaçi e dinte që do të arrestohej nëse vinte në Serbi. Këto janë ligjet. Unë e kam takuar 32 herë Thaçin dhe mund ta takoj kudo, por jo në Serbi. Unë nuk mund të shfuqizoj vendimet e gjykatës”, tha Vuçiç.
