Presidenti i Serbisë, Aleksandër Vuçiç ka thënë sot se me miratimin e platformës tregoi se është kundër dialogut dhe kështu shënoi fundin e tij.
Sipas tij, askush nuk e di lëvizjet e ardhshme të Kosovës mirëpo ka potencuar se Serbia mbetet e përkushtuar ndaj paqes dhe stabilitetit në rajon.
Këto deklarata, Vuçiç i ka bërë gjatë takimit me ministrin e Jashtëm të Spanjës, Josep Borel. Ndërkohë, Borel ka thënë se Spanja është kundër shpalljes së pavarësisë së Kosovës por e mbështet kërkimin e një zgjidhjeje kompromisi në mes Beogradit dhe Prishtinës, shkruan lajmi.net.
Presidenti serb vazhdon të theksoj se Serbia i ka përmbushur të gjitha detyrimet sipas marrëveshjes së Brukselit ndërsa ka akuzuar Kosovën pse ka vendosur taksë 100 për qind.
Kreu i shtetit serb ka shprehur mirënjohje ndaj Spanjës për qëndrimin e saj karshi Kosovës.
