Një ngjarje e rëndë ka ndodhur në Ersekë, në zonën e Shelegurit, ku një kalë është qëlluar me armë zjarri në një fermë, teksa kulloste në natyrë.
Pronarja e fermës “Farma Sotira Agroturizëm”, Jonida Hëna në një interviste për Report Tv në emisionin ‘Sot Live në Shqipëri’, nuk mbajti dot lotët, ndërsa e cilësoi kalin si pjesëtare të familjes.
Balashi siç edhe ia kishin vendosur emrin kalit, sipas pronares dyshohet se është qëlluar qëllimisht me çifte. Ajo bën thirrje se personi përgjegjës duhet të marrë dënimin e merituar.
‘Në periudhën e dimrit i lëmë të lirë kuajt, pasi janë kafshë që mbrohen vet. Ka qenë një kalë shumë i bukur të gjithë donin që të kalëronin me Balashin. Na është hequr një pjesëtar që e kishim së të familjes sonë. Menduam se ishte aksidentale. Por kur shkuam dhe e pamë dyshojmë se është e qëllimshme. Ne kemi rreth 20 kuaj që i përdorim. Rasti i parë që ndodh në këtë zonë dhe ishte i papranueshëm. Nuk mendoj se janë gjuetar, kali jonë nuk ka qenë vetëm, janë gjuajtur vetëm dy kuajt tanë.’- u shpreh ajo.
/s.f
