Një vrasje ka ndodhur në Fier, mëngjesin e sotëm, ku një person ka qëlluar për vdekje me armë zjarri 50-vjeçarin, Ahmet Toska. Sipas policisë ngjarja e rëndë ka ndodhur rreth orës 06:00, në lagjen “Sheq i Madh”.
Mësohet se viktima është gjetur pa shenja jete në mes të rrugës, ndërsa banorët e zonës kanë njoftuar menjëherë Policinë. Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Për të bërë të mundur kapjen e autorit të vrasjes, në pikat hyrëse dhe dalëse të qytetit Policia dhe FNSH-të e Fierit kanë ngritur posto-blloqe dhe po vijojnë me krehjen e zonës.
g.kosovari
