Një ngjarje e rëndë tronditi fshatin Goriçaj, pranë Divjakës, në Lushnjë, në orët e vona të mbrëmjes së të hënës.
Një person u qëllua për vdekje me armë zjarri, në një lokal, ndërsa paraprakisht dyshohet se shkak është bërë një konflikt i çastit.
Viktima është shtetasi A.Ll, 42-vjeçar, banues në këtë fshat, që humbi jetën menjëherë sapo u qëllua me armë, ndërsa autori dyshohet se është Petrit Toromani, pronar i lokalit ku ndodhi ngjarja.
Policia dhe grupi hetimor kanë mbërritur menjëherë në vendin e ngjarjes dhe po punojnë për zbardhjen e shkaqeve dhe rrethanave të krimit, ndërsa është bërë i mundur edhe arrestimi i autorit të ngjarjes, në vetëm pak minuta. /tch/b.d
