Prokuroria e Elbasanit ka përfunduar hetimet dhe ka dërguar për gjykim dosjen e vrasjes së Florian Lamçes.
Dhëndri i ish-kryebashkiakut të Elbasanit, Qazim Sejdini, Sokol Sanxhaktari dhe Ardiano Hajdari akuzohen për vrasje në bashkëpunim të shokut të tyre të fëmijërisë, Lamçes.
Përballjes me drejtësinë nuk i kanë shpëtuar edhe dy të akuzuarit e tjerë, Mehmet Muça dhe Amadeus Lamçe.
I pari sipas prokurorisë akuzohet për fshehjen e dy pistoletave, ndërsa Lamçja akuzohet se ka furnizuar lokalin me kokainë dhe ka qënë dëshmitar në vrasjen e ndodhur, fakt të cilin e ka fshehur për hetuesit.
Të dy akuzohen për veprat penale: “moskallëzim krimi”, “veprime që pengojnë zbulimin e së vërtetës” dhe “deklarim të rremë”.
g.kosovari
