Me lotë në sy, Nazime Visha, ka kërkuar uljen e masës së dënimit të saj ose përfitim nga amnistia e fundvitit të shkuar. 21 vjeçarja vrau me paramendim shtetasin Fiqiri Muça, me pretendimin se ai e kishte përdhunuar për 4 vite me rradhë, një ngjarje kjo e gushtit të vitit 2012.
Gjatë seancës së kësaj të hëne, prokuroria ka kërkuar shtyrjen e seancës që të njihet me aktet e kërkesës së bërë nga avokati. Kërkesa e saj për ulje të masës së dënimit është depozituar në Gjykatën e Tiranës më 19 janar të këtij viti, e cila shqyrtohet nga gjyqtari Lazër Sallaku.
Përmes kësaj kërkesë, Visha kërkon të përfitojë nga e drejta e çdo të burgosuri me një vendim të formës së prerë për të përfituar uljen deri në 90 ditë në vit nga dënimi për shkak të sjelljes së mirë në institucionin e vuajtjes së dënimit.
