Gjyshja e Ardit Hidës, 24-vjeçari i cili akuzohet se vrau me thikë Florenc Kovaçin dhe plagosi rëndë vëllain e këtij të fundit, Mikel Kovaçin në Elbasan, deklaron se vëllezërit shfrytëzonin mbesën e saj.
Gazetari i ABC, Aldo Kozarja ishte në banesën e autorit të krimit të rëndë. Gjyshja thotë se dy vëllezërit i kanë dhënë lëndë narkotike mbesës së saj të mitur, duke përgënjeshtruar të ëmën e viktimës.
“Deklaron goca me drogë është marrë. Të paktën mo rrej në televizor. Jo se njoh gocën, jo se bëj gocën. Si nuk e njeh gocën. Kur erdhi e ëma nga Turqia shkoi e kërkoi, ajo ishte me Mikelin. Ky e gënjevi pas 10 miniutash kishte nxjerr gocën”, thekson ajo.
Babai i viktimës ka pasur dijeni se djali i tij e shfrytëzonte? “Po patjetër, u japin lëndë narkotike. Ka edhe goca të tjera janë grup këto,” shprehet e moshuara më tej.
Sakaq, gjykata vendosi të lërë sot në burg 24-vjeçarin Hida. Në sallën e gjyqit ky i fundit ka deklaruar se i ka qëlluar vëllezërit pasi i ngacmonin motrën 14-vjeçare.
Ngjarja e rëndë ndodhi mbrëmjen e së premtes së kaluar në lagjen “Qemal Stafa” në Elbasan. Hida qëlloi me thikë në drejtim të vëllezërve Kovaçi duke lënë të vdekur Florenc Kovaçin, ndërkohë që i plagosur mbeti vëllai i tij Mikeli.
/b.h
