Policia e Tiranës ka prangosur shtetasin Mexhit Picari (në foton lart) i cili ekzekutoi sot ish-burrin e së bijës.
Viktima Kudret Saliaj ndodhej në një kafene pranë Gjykatës së Tiranës nën shoqërinë e avokatit Adriatik Cama. Ky i fundit mbeti i plagosur aksidentalisht nga plumbat e Picarit.
Pas vrasjes, autori është larguar me një automjet tip Hyundai, por pa mundur t’i shpëtojë uniformave blu. Mësohet se Picari është banues në Vorë, ndërsa shkak për krimin e rëndë është bërë papajtueshmëria me divorcin mes Saliajt dhe vajzës së tij Dhuratës.
Por si lindi konflikti familjar mes Saliajt dhe Picarit?
Mësohet se viktima, që u ekzekutua sot nga vjehrri, ka akuzuar vajzën e autorit, Dhuratën për tradhti dhe dhunë fizike e psikologjike ndaj 3 fëmijëve të saj.
Kjo e fundit ka hedhur poshtë të gjitha akuzat e bëra nga burri i saj, mirëpo 32-vjeçarja u arrestua në muajin Tetor në 2020 dhe është hetuar në arrest shtëpie për dhunë fizike e psikologjike ndaj fëmijëve dhe kërcënime ndaj vjehrrës.
Më datë 2 tetor, 32-vjeçarja mori leje nga puna për të shkuar në spital pasi nuk ndihej në gjendje të mirë shëndetësore, por në këtë momenti shpërtheu konflikti me burrin, që e akuzoi Dhuratën se kishte shkuar me të dashurin.
/a.r
