Gjykata e Tiranës dënon me burgim të përjetshëm Mexhit Picarin. Ndërkohë, e bija e Picarit, Dhurata Picari, e akuzuar si bashkëpunëtore në krim u dënua me 30 vite burg. Babë e bijë akuzohen se kanë bashkëpunuar për vrasjen e Kudret Saliajt, më 4 qershor të 2021.
Si ndodhi krimi i rëndë në mes të Tiranës
Sipas prokurorisë, në orën para seancës, ata kanë vëzhguar për të parë Kudret Saliajn në ambientet e gjykatës dhe rrotull saj.
Sapo i ka parë të ulur, Picari i cili ka qenë më herët ish-efektiv burgjesh, qëlloi 5 herë në drejtim të ish-dhëndrit 41-vjeçar duke e lënë të pajetë.
“Nuk do ta lejoja kurrë. Kudreti ishte babai i fëmijëve të mi dhe nuk do ta lejoja. Kërkoj mëshirë nga Gjykata, kam tre fëmijë për të rritur”.
Dhurata Saliaj
Ndërsa Mexhit Picari kërkoi ndjesë për vrasjen.
“Të më falin nipërit dhe mbesat. I kërkoj falje edhe vajzës që i vrava burrin. Dhurata s’ka pasur dijeni. Pistoletën e kisha në brez dhe nuk e mora në çantën e gocës”.
Mexhit Picari
/f.stafa
