Gazmond dhe Arben Mullalli, dy vëllezërit e Gjergji Mullallit i cili më 29 Korrik vrau gruan Luizën dhe më pas veten, kanë rrëfyer në emisionin “Uniko” nga Spartak Koka detaje të tjera nga kjo ngjarje e rëndë.
Gazmondi u shpreh se Luiza është diagnostikuar në vitin 2006 për depresion psikotik dhe që prej atëherë kurohej. Sipas tij, Gjergji kohët e fundit jetonte në kushte të vështira.
Spartak Koka: Kur e mësove që situata kishte ikur në këtë pikë që nuk mbante më? Këtë vendimin e 2018 e dije që kishin një konflikt për një mesazh dhe që kishin vajtur në gjykatë, në prokurori për këtë vendim?
Gazmond Mullalli: Di çdo gjë, por i thosha gruas time se si bën im vëlla me këtë, më mirë të flesh me një burrë se me këtë.
Spartak Koka: Çfarë dua të them me këtë se është shumë e rëndë?
Gazmond Mullalli: Ajo nuk merrte udhë në asnjë krahë. Prandaj e kam paraqitur sot unë, në 2006 kur është marrë nga doktoreshë Athanasia Kazantaza, diagnoza depresion psikotik që më 2006. Unë i kam thënë vëllait kujdes. Kam qenë në Greqi dhe kur erdhi një pasdite u kacafyt me vëllanë dhe kam vajtur në spitalin më të ndyrë të Greqisë. Më kanë mbajtur një javë atje.
Spartak Koka: Nga se ndodhi?
Gazmond Mullalli: Ngaqë ziheshin ata të dy.
Spartak Koka: Gjergji vuante nga ndonjë sëmundje?
Arben Mullalli: As edhe një.
Spartak Koka: Nëse Luiza vuante nga depresioni psikotik dhe thoni që është kuruar nuk arriti Luiza në vrasje, ishte vëllai juaj që arriti në vrasje. Nëse jemi tek depresioni psikotik, atëherë pse arriti Gjergji?
Arben Mullalli: Po të ishin edhe tre Gjergji të tjerë do ishin çmendur me atë grua.
Spartak Koka: Ja pse arriti Gjergji deri në këtë pikë. Që të punojë, të ndërtojë shtëpinë, çdo ditë të vijë nga puna i lodhur, ajo bënte, jo më rrahu këtu, sill policë përditë dhe e dërguan matanë nga prindërit. Po të ta kisha dhënë foton se ku rrinte Gjergji së fundmi ishte çmenduri./m.j
