Autori i i dyshuar për vrasjen e bashkëshortes dhe kunatës së tij në Ballsh me 2 janar të këtij viti, do të dalë nesër para Gjykatës së Krimeve të Rënda për masën e sigurisë.
Ngjarja e rëndë që tronditi mbarë opinionin në ditët e para të vitit të ri, ndodhi në banesën e çiftit Gazment Musta dhe Gentjana Çaushaj në katin e pestë të një pallati në lagjen “5 Shkurti”.
34 vjeçari në gjendje të dehur vrau me thikë bashkëshorten dhe kunatën Merisa Çaushaj, 18 vjeç. Gazment Musta, punonte në Greqi dhe ishte kthyer për festat e fundivitit.
Me 2 janar në familjen e tyre kishte ardhur motra 18 vjeçare e bashkëshortes për festat e fundvitit. Sipas burimeve debati ka nisur kur bashkëshortja i ka kërkuar 34-vjeçarit që të shkonte pranë familjes së saj bashkë me të motrën.
Kjo kërkesë sipas të dhënave të para ka ndezur debatin, ndërsa 34-vjeçari nën ndikimin e alkoolit, ka qëlluar me thikë fillimisht kunatën, e cila kishte ndërhyrë për ti qetësuar, e më pas bashkëshorten e tij.
Krimi i rëndë ndodhi në sy të dy fëmijëve të mitur 3 dhe 7 vjeç të familjes Musta.Policia mbërriti menjëherë në vendngjarje, ku arrestoi autorin e vrasjes së parë për vitin 2019.
/a.rada
