Policia e Shtetit ka ekstraduar nga SHBA një shtetas shqiptar me rrezikshmëri të lartë shoqërore, i akuzuar për vrasje dhe që kishte në përdorim dy emra.
Bëhet fjalë për 34-vjeçarin nga Puka, Arlind Hyseni alias Shpend Mazari, i dënuar me 25 vite burgim nga Gjykata e Shkallës së Parë Tiranë për veprat penale “Vjedhja, me pasojë vdekjen” e kryer në bashkëpunim dhe “Mbajtja pa leje e armëve luftarake dhe municionit”.
Policia ka publikuar pamjet, që tregojnë momentin kur 34-vjeçari mbërrin në Rinas, i cili siç duket, është me kokën ulur dhe i mbuluar me një kapuç.
Ky operacion i përbashkët DSS, ICE-ERO dhe Interpol Tirana e ka kthyer tashmë atë në Shqipëri për t’u përballur me sistemin e drejtësisë.
Si rezultat i një operacioni të gjatë ndërmjet Interpol Tirana dhe DSS-OCI u realizua me sukses deportimi nga SHBA-ja i shqiptarit të arratisur, në mënyrë që ai të përballet me drejtësinë për krimin e kryer në Shqipëri Arlind Hyseni, alias Shpend Mazari, 34 vjeç, lindur në Pukë.
g.kosovari
