Elona Kalesha nuk ka vepruar e vetme në vrasjen e çiftit Pasho në Itali. Në këtë përfundim kanë arritur hetuesit në Itali, të cilët janë vënë në kërkim të bashkëpunëtorit të ish-të dashurës së djalit të çiftit Shpëtim dhe Teuta Pasho që u gjetën të copëtuar në katër valixhe.
Përsa i përket motivit të krimit, Firenze Today shkruan se hetuesit janë të bindur se ka ndodhur për 40 mijë eurot që u zhdukën bashkë me dy të ndjerët para pesë vitesh.
36-vjeçarja u arrestua sot. Ajo është ish-e dashura e djalit të çiftit Pasho të cilët u copëtuan në mënyrë makabre dhe u ndanë në katër valixhe dhe dyshohet se ishte personi i fundit që ka parë të gjallë çiftin shqiptar. Elona akuzohet për vrasje, fshehje dhe thyerje të trupave të dy bashkëshortëve.
