Gjykata e Durrësit endosi masën e sigurisë arrest me burg për shtetasin Miran Tila, i cili vrau me armë zjarri shokun e tij, biznesmenin Arben Hasa, pasi ky e kishte larguar nga puna.
Tila pranoi krimin e rëndë para gjykatës, teksa shtoi se e goditi shokun e tij pasi ai e kishte ofenduar rëndë.
Me gjithë pendesën e thellë të shprehur nga Miran Tila, Gjykata e Durrësit pranoi kërkesën e Prokurorisë për ta izoluar atë nën masën e sigurisë “arrest me burg”.
Ngjarja e rëndë ndodhi 3 ditë më parë në fshatin Manëz të Durrësit.
Tila e thirri në shtëpi shokun e tij Arben Hasa, ku i kërkoi ta çonte në shtëpi pasi nuk ndihej mirë. Pasi u nisën, ai i qëlloi me armë brenda automjetit.
Hasa doli i plagosur nga mjeti dhe tentoi të largohet, por vrasësi e ndoqi nga pas derisa e ekzekutoi.
