Sokol Mjacaj ka dalë këtë të martë para gjykatës. I dënuari përjetë, i cili vrau Arben Lleshin dhe plagosi Indrit Shaqjan, dy të dënuar të tjerë në burgun e Peqinit, do të njihet me masën e sigurisë.
Në Gjykatën e Elbasanit janë shtuar forcat e policisë, teksa Mjacaj ka mbërritur nën masa të rrepta sigurie.
Ai shihet i veshur me një xhup të zi dhe tuta sportive, me duart e prangosura dhe mjaft i qetë.
Në dëshminë që dha ditën e ngjarjes, Mjacaj tha se e vrau Lleshin për shkak të konflikteve që kishin në burg, pasi viktima sipas tij nuk e k]ishte pranuar në sektor. Por kjo deklaratë nuk u pranua nga hetuesit, të cilët kanë dyshime se vrasja është kryer me porosi dhe pagesë nga jashtë.
Mjacaj do futej në sistemin “41 biss”, dhe për këtë atë kishte dijeni, ndaj krimin e rëndë e bëri para se të ti nënshtrohej regjimit.
/a.r
