Një fermer 39-vjeçar është vrarë në oborrin e shtëpisë së tij në Greqi, në prani të vajzës së tij të vogël.
Mediat greke bëjnë me dije se një 27-vjeçar rumun ka rrëfyer se e ka vrarë 39-vjeçarin. Ai ishte punonjës prej katër vitesh në fermën e viktimës dhe kujdesej për delet e tij.
Një tjetër rumun 31-vjeçar, punonjës në fermë është cilësuar si bashkëautor i krimit pasi i kishte siguruar armën autorit dhe po e pritë atë në afërsi të shtëpisë së pronarit të tyre.
27-vjeçari fillimisht u përpoq të paraqitej si viktimë e krimit dhe tha se shefi i tij e sulmoi duke e goditur dhe se ai e bëri krimin për tu vetëmbrojtur por më pas deklaroi se e bëri për arsye financiare./m.j
