Një person është vrarë me armë zjarri mbrëmjen e kësaj të marte në Vlorë.
Fatjon Sinani, 40-vjeç, është qëlluar disa herë me pistoletë në pranë banesës së tij, në rrugën “Ali Demi”.
Viktima është qëlluar pranë banesës së tij. Mësohet se ai është thërritur jashtë nga autorët dhe është ekzekutuar në katin e parë të apartamentit.
Forca të shumta policie kanë mbërritur në vendin e ngjarjes ku kanë bërë të mundur gjetjen e armës së krimit dhe automjetin e braktisur nga autorët pas kryerjes së krimit.
Autorët dyshohet të kenë qenë të maskuar, pasi policia ka gjetur edhe një kapuç.
Burime pranë Policisë së Vlorës bëjnë të ditur se kanë arrestuar një prej autorëve të krimit në Vlorë. Identiteti i tij ende nuk bëhet i ditur për arsye hetimore.
Grupi hetimor i ngritur menjëherë pas ngjarjes po punon për identifikimin e autorëve dhe zbardhjen e plotë të ngjarjes.
