Detaje të reja janë bërë me dije sot në 20 shkurt në lidhje me vdekjen e 32-vjeçarit Egli Pashollari në Tiranë.
Viktima Egli Pashollari sapo ka dalë nga makina është sulmuar menjëherë nga 3 persona, 2 djem dhe 1 vajzë. Gazetari i Klan News Besar Bajraktaraj raporton për Klan News se gjatë përleshjes fizike, njëri prej djemve e ka goditur të paktën një herë në kurriz.
Pashollarit i është dhënë ndihma e parë pranë një lokali dhe direkt me makinën e tij e kanë nisur drejt spitalit disa persona të tjerë, dëshmitarë në vendngjarje, ku edhe ka humbur jetën rrugës.
Autori dhe dy të tjerët janë larguar nëpër rrugica afër vendit të ngjarjes, pasi braktisën viktimën.
