E përditësuar/ Përveç Ervis Imerit, personit që dyshohej se ishte rrëmbyesi i familjes së Elton Çiçës, nën arrest kanë përfunduar gjithashtu edhe të disa të afërm të Robert Ramës, shtetasit që së bashku me Ervis Ymerin, ishin të dyshuarit kryesorë për rrëmbimin e familjes së viktimës, vitin e shkuar. Ndërkohë, në ambientet ku viktima Elton Çiça u ekzekutua është gjendur dhe çanta e tij e cila brenda kishte një pistoletë.
…………..
Atenati i mbrëmshëm ku humbi jetën 36 vjeçari Elton Çiça ka fokusuar hetimet e policisë në zanafillën e një hasmërie të nisur në 2015 për shkak të një grabitjeje.
Në mars 2015 dy të moshuar do të grabiteshin me dhunë dhe do të lidheshin në mënyrë çnjerëzore në banesën e tyre. Pak muaj më pas në korrik 2015 policia do të zbulonte 3 autorët e dyshuar, por tashmë të dëmtuarit i kishin vetidentifikuar dhë në këtë periudhë nisi kalvari i hakmarrjeve.
Ervis Imeri e Robert Rama ishin persona te parë të vendosur në shënjestër të hakmarrjes për krimin e kryer në familjen Çiça në Tepelenë. Robert Rama do të ekzekutohej në qershor 2015 ndërsa për këtë krim djemtë e familjes Çiça u shoqëruan disa herë në polici por kurrë s’u provua përfshirja e tyre në këtë krim.
Ervis Imeri pak para vrasjes së Ramës do të gjente në automjetin e tij një sasi eksploziv por ky krim u parandalua nga policia dhe eksplozivi u hoq.
Por hakmarrja s’do të ndalej dhe më 9 dhjetor 2015 në Kombinat Elton Imeri vëllai i të dyshuarit si grabitës Ervis Imeri do të binte pre e një atentati ku do të pësonte dëmtimet të rënda në gjymtyrët e poshtme.
Por kur ende s’është mbushur një vit nga grabitja e të moshuarve zinxhiri i vrasjeve vazhdon dhe më 1 Maj 2016 me dy plumba pistoletë me mulli ekzekutohet Elton Çiça 36 vjecari djali i madh i familjes së grabitur në Tepelenë, shkruan Report tv. Numri i të shoqëruarve për këtë krim ka shkuar në 15 persona ndërsa policia ka krijuar dyshime se atentatori i mbrëmshëm është një vrasës me pagesë i cili ka ndjekur lëvizjet e Çiçës prej 2 ditësh.
Mësohet se mes të shoqëruarëve eshte edhe i dyshuari per grabitjen e prindërve të Çiçajt, Ervis Imeri si dhe disa familjarë të të vrarit Roberto Rama, i ekzekutuar në qershor të 2105, gjithashtu i dyshuar për grabitjen e famijes Çiça.
Javanews/ a.k
